ကိုယ်တော်အတူပါရှိခြင်း
25.7.2022(Monday)
တရားသူကြီးမှတ်စာ ၆:၁၆” ထာဝရဘုရားက အကယ်စင်စစ် ငါသည်သင်နှင့်အတူရှိသဖြင့် သင်သည် လူတစ်ယောက်ကို လုပ်ကြံသကဲ့သို့ မိဒျန်လူတို့ကိုလုပ်ကြံလိမ့်မည်ဟု မိန့်တော်မူ၏”
သမ္မာကျမ်းစာထဲ၌ တရားသူကြီးမှတ်စာကို ဖတ်ကြည့်ပါက စစ်သူကြီးဂိဒေါင်၏ခေါင်းဆောင်မှုကို သိရမည်ဖြစ်သည်။ သူသည်အင်မတန်မှကြောက်တတ်သောသူဖြစ်သော်လည်း ဘုရားသခင်သည် သူ့ကို ရဲရင့်သော စစ်သူကြီးအဖြစ်သို့ပြောင်းလဲပေးခဲ့သည်။ထို့အချိန်ကာလတွင် က္ကသရေလလူမျိုးများသည် ဘုရားသခင်၏ စကားကိုနားမထောင်သည်သာမက ဒုစရိုက်ပြုလုပ်သောကြောင့် မိဒျန်လူမျိုးများ၏ နိုင်ထက်နှိပ်စက်ညှဉ်းဆဲမှုများကို ခုနှစ်နှစ်တိုင်တိုင်ခံစားခဲ့ရပါသည်။ ထိုသို့နှိပ်စက်မှုများကြောင့် က္ကသရေလလူမျိုးများသည် အပြစ်မှနောင်တရပြီး ဘုရားသခင်၏ကူညီမစမှုကို အော်ဟစ်တောင်းခံကြသည်။ ထို့ကြောင့် ဘုရားသခင်သည် က္ကသရေလလူမျိုးများကို ကယ်တင်ရန် ဂိဒေါင်ကိုရွေးချယ်ခဲ့ပါသည်။ ဘုရားသခင်၏ ရွေးကောက်ခြင်းကို ဂိဒေါင်က” အိုသခင် အကျွန်ုပ်သည် က္ကသရေလအမျိုးကို အဘယ်သို့ ကယ်နုတ်နိုင်ပါမည်နည်း။အကျွန်ုပ်အဆွေအမျိုးသည် မနာရှေအမျိုး၌ သာ၍ဆင်းရဲပါ၏။ အကျွန်ုသည်လည်း ကိုယ်အဆွေအမျိုး၌ အယုတ်ဆုံးသောသူဖြစ်ပါ၏”ဟု ငြင်းဆန်ခဲ့ပါသည်။သို့သော် ထာဝရဘုရား၏ ဝိညာဉ်တော်သည်သူနှင့်အတူရှိတော်မူသောကြောင့် အောင်နိုင်ခြင်းကို ရရှိခဲ့ပါသည်။ ထာဝရဘုရားမိန့်တော်မူသည်အတိုင်း ဂိဒေါင်သည် ဗာလဘုရားများကို ဖျက်ဆီးခဲ့ပါသည်။တရားသူကြီးမှတ်စာ ၇:၂၀-၂၂ထဲတွင် ဂိဒေါင်နှင့်သူ၏လူသုံးစုတို့သည် တံပိုးမှုတ်၍အိုးကို ခွဲပြီး လက်ဝဲလက်၌ မီးခွက်ကိုကိုင်ကာ လက်ယာဘက်၌ မှုတ်စရာတပိုးကို ကိုင်ပြီးနောက် ထာဝရဘုရားနှင့် ဂိဒေါင်၏ဓါး ဟု အော်ဟစ်ကြသည်။ ထို့နောက်ရန်သူတို့သည် ဘုရားသခင်၏တန်ခိုးတော်ကြောင့် ပြေးလျက်အော်လျက် ထွက်ပြေးခဲ့ကြရပါသည်။
ဤအချင်းအရာကို လေ့လာကြည့်ပါက ဘုရားသခင်၏အတူရှိခြင်းသည်ဂိဒေါင်၏ဘဝအသက်တာကို ကြီးမြတ်သောသူအဖြစ်သို့ရောက်စေခဲ့ပါသည်။ ထို့ကြောင့်ကျွန်ပ်တို့အယောက်စီတိုင်းသည် မည်မျှပင် အားနည်းသောသူဖြစ်စေကာမူ ဘုရားသခင်၏အတူရှိခြင်းကို ယုံကြည်ပြီး ဘဝတိုက်ပွဲများကို ရင်ဆိုင်ယှဉ်ပြိုင်အနိုင်ယူကြပါစို့။
ဖလားဆဲ
