စစ်မှန်သောငြိမ်သက်ခြင်း( Peace of mind)
4.7.2022( Monday )
ယောဟန် 14: 27″ ငြိမ်သက်ခြင်းကို သင်တို့၌ ငါထားခဲ့၏။ ငါ၏ငြိမ်သက်ခြင်းကို သင်တို့အားငါပေး၏။လောကီသားတို့ပေးသကဲ့သို့ ငါပေးသည်မဟုတ်။သင်တို့စိတ်နှလုံး ပူပန်ခြင်းစိုးရိမ်တုန်လှုပ်ခြင်းမရှိစေနှင့်”
ယနေ့ကျွန်တော်တို့နေထိုင် သောကမ္ဘာကြီးထဲတွင် နေ့စဉ်နှင့်အမျှ သတင်းပေါင်းစုံကို ကြားနေရမည်ဖြစ်သည်။ နည်းပညာတိုးတတ်လာသည်နှင့်အမျှ သတင်းများကို တခဏအတွင်းမှာပဲ သိရှိဖို့ မြန်ဆန်လှပါသည်။၂၀၂၁ကုန်လွန်ခဲ့လို့ ၂၀၂၂ရဲ့ ဇူလိုင်လအထဲကို ရောက်ရှိလို့လာခဲ့ပါပြီး။ ၂၀၂၁ခုနှစ်မှာတော့ ကျွန်တော်တို့သည် မတူညီသောအခက်ခဲများကို ဖြတ်ကျော်ကြရပါသည်။ သို့သော်ကျွန် တော်တို့သည်ဘုရားသားသမီးများဖြစ်သည့်အလျောက် ယနေ့ထိတိုင်အောင်ကွယ်ကာ၍အသက်ရှင်ခွင့်ပေးသော ဘုရားသခင်၏ကျေးဇူးတော်ကို ချီးမွမ်းရမည်ဖြစ်သည်။ ရှင်သန်ရသောနေ့ရက်များတွင်ကောင်းသတင်းကောဆိုးသတင်းကော ကြားနေရမည်မှာ ဧကန်မလွှဲဖြစ်သည်။ ရင်ဆိုင်ကာ ဖြတ်ကျော်ကြ ဖို့သာဖြစ်ပါသည်။ကိုယ်ခန္ဓာပိုင်းဆိုင်ရာ ကျန်းမာဖို့လိုသလို စိတ်ပိုင်းဆိုင်ရာလည်းကျန်းမာမှသာ အခက်အခဲများကို အောင်မြင်စွာဖြတ်ကျော်နိုင်မည်ဖြစ်သည်။ ယုံကြည်သူအယောက်စီတိုင်း၏ ဘဝအသက်တာတွင်လည်း လောကဓံ၏ထုထောင်းမှုများကို ခံနိုင်ဖို့ရန် ဘုရားပေးသောစစ်မှန်သောငြိမ်သက်ခြင်းရရှိရန်လိုပါသည်။ ထိုစစ်မှန်သောငြိမ်သက်ခြင်းရှိမှသာ ကျော်လွှားနိုင်မည်ဖြစ်သည်။ လောကီ ပေးသော ဖျော်ဖြေမှု၊တင်ဆက်မှုများသည် ခေတ္တခဏသာစိတ်ကို ပျော်ရွှင်ခြင်း၊ငြိမ်သက်ခြင်း ပေးစွမ်းနိုင်ပါသည်။ရှေ့ဆက်လာမဲ့နေ့ရက်များမှာ မည်သို့မည်ပုံသော အဖြစ်အပျက်များဖြစ်လာမည်ကို ကြိုတင်မသိရှိနိုင်တာကြောင့် ဘဝအသက်တာကို ပြင်ဆင်ဖို့လိုပါသည်။ သမ္မာကျမ်းစာဖတ်ရှုခြင်းဖြင့်လည်းကောင်း ဘုရားသခင်နှင့်မိသဟာရဖွဲ့ခြင်း ဆုတောင်းခြင်းများအားဖြင့်လည်းကောင်း ဘဝအသက်တာကိုပြင်ဆင်မှသာ အခက်ခဲများ မငြိမ်မသက်သောအခြေအနေများကို ဖြတ်ကျော်နိုင်မည်ဖြစ်သည်။ထို့ ကြောင့် နေ့ရက်တိုင်းအထံ တော်သို့တိုးဝင်ရင်း ဘုရားသခင်ပေးသောစစ်မှန်သောငြိမ်သက်ခြင်းအားဖြင့် လျှောက်လှမ်းကြရအောင်ဟုအားပေးပါရစေ။
ဖလားဆဲ
