နာခံခြင်းအားဖြင့်
21.6.2022(Tuesday)
၁ရာ ၁၅:၂၂“အလိုတော်သို့လိုက်ခြင်းသည် ယဇ်မျိုးထက်သာ၍ကောင်း၏။နားထောင်ခြင်းသည် သိုးထီးဆီဥထက်သာ၍ကောင်း၏”
နှုတ်ကပတ်တော်သမ္မာကျမ်းစာထဲ တွင် ဘုရားသခင်သည် နာခံခြင်းရှိသောသူများကို ချီးမြှောက်တော်မူသည်ကို တွေ့ရမည်ဖြစ်သည်။
ဘုရားသခင်၏စကားတော်အတိုင်းနာခံ၍ လိုက်လျှောက်သောသူတိုင်းလည်း ကောင်းကြီးမင်္ဂလာများကို ခံစားခဲ့ရပါသည်။ ပထမဦးဆုံးအနေဖြင့် အာဗြံဟံသည် ဘုရားသခင်၏စကားတော်ကို နားထောင်၍ အတိအကျလိုက်နာဆောင်ရွက်သူဖြစ်ပါသည်။ နာခံခြင်းအား အကြိမ်ကြိမ်စမ်းသပ်ခြင်းခံရသော်ငြားလည်း အောင်မြင်စွာဖြတ်ကျော်နိုင်ခဲ့ပါသည်။ မနာခံခြင်းအားဖြင့် ဘုရားသခင်၏စွန့်ခွာခြင်းကို ခံရယူများလည်းရှိပါသည်။ အ ကောင်းဆုံပုံသက်သေတစ်ခုမှာ ရှောလုမင်းကြီးဖြစ်သည်။ အစပထမတွင် ဘုရားသခင်၏ရွေးကောက်ခြင်းအားဖြင့် က္ကသရေလလူများ၏ဘုရင်ဖြစ်လာခဲ့ပါသည်။ သို့သော် ဘုရင်ဖြစ်ပြီးနောက်ပိုင်း နာခံခြင်းစာမေးပွဲများတွင် အကြိမ်ကြိမ်ကျရှုံးခဲ့ပါသည်။ ဘုရားသခင်ခိုင်းစေသောအရာများ၊လုပ်စေချင်သောအရာများကို မိမိ၏သဘောအတိုင်းကြံစည်ဆောင်ရွက်ခဲ့ပါသည်။ အဆုံးသတ်အနေဖြင့် က္ကသရေလဘုရင်ရာထူးမှ နုတ်ယူခြင်းကိုခံရသလို ဘုရားသခင်၏စွန့်ခွာခြင်းကိုခံခဲ့ရပါသည်။နောက်ဆုံးမှာ တိုက်ပွဲတွင် အသက်ဆုံးခဲ့ရပါသည်။ နာခံခြင်းသည် ခရစ်ယာန်အသက်တာလျှောက်လှမ်းမှုတွင် အရေးကြီးလှပါသည်။ ဘုရားသခင်၏အလိုတော်ကို သိရှိနိုင်ဖို့ရန် နာခံခြင်းအားဖြင့်သာ သိရှိနိုင်သောကြောင့် သာ၍ နာခံခြင်းအားဖြင့် လျှောက်လှမ်းကြရအောင်ဟု အားပေးပါရစေ။
ဖလားဆဲ
