ကောင်းကင်အိမ်
7.6.2022(Tuesday)
ယောဟန် ၁၁:၂၅“ယေရှုကလည်း၊ငါသည်ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ငါ့ကိုယုံကြည်သောသူသည် သေလွန်သော်လည်း ရှင်လိမ့်မည်”
လူသားတစ်ယောက် လောကကြီးထဲ အခြေချနေထိုင်နိုင်ဖို့ရန် အဓိကအခြေခံလိုအပ်ချက်(၃)ခုလိုပါသည်။ ထိုအရာများကတော့ စား၊ဝတ်၊နေရေး ဖြစ်ပါသည်။
နေဖို့အတွက် အိမ်လိုပါသည်။စာရေးသူအနေဖြင့်ဆရာတစ်ယောက်ပြောဖူးသောစကားလေးတခွန်းကို သတိရမိပါသည်။လောကတွင် ကျွန်တော်တို့သည် အိမ်(၃)အိမ်တွင် နေရကြသည်ဟုဆိုပါသည်။ ထိုအိမ်(၃)အိမ်ကတော့
ပထမအိမ်>>မိခင်၏သားအိမ်
ဒုတိယအိမ်>>လောကအိမ်
တတိယအိမ်>>ကောင်းကင်အိမ် ဟူ၍ဖြစ်ပါသည်။
လူသားအနေဖြင့် ကျွန်တော်တို့သည် မိခင်၏သားအိမ်တွင် ကိုးလအထိနေခဲ့ကြရပါသည်။ မွေးဖွားလာပြီးနောက် လောကအိမ်တွင်နေကြရပါသည်။ လောကအိမ်မှာတော့ ကျွန်တော်တို့သည် အကန့်အသတ်အထိသာ နေထိုင်ခွင့်ရှိပါသည်။ မည်မျှပင် ကြွယ်ဝချမ်းသာစေကာမူ သေဆုံးသွားပါက လောကအိမ်ကို ချန်ထားခဲ့ကြရမည်ဖြစ်သည်။ ကောင်းကင်အိမ်နှင့်ပတ်သတ်ပြီး ကျွန်တော်တို့ သေချာသိရှိမှသာ စိုးရိမ်ပူပန်မှုများနှင့်ကင်းဝေးသွားပါလိမိ့မည်။ ကောင်းကင်အိမ်သို့ရောက်ဖို့ရန် နည်းလမ်းတစ်ခုတည်းသာရှိပါ၏။ထိုနည်းလမ်းကတော့ ကယ်တင်ရှင်ယေရှုခရစ်တော်ကို ယုံကြည်လက်ခံခြင်းဖြင့် ကောင်းကင်အိမ်သို့ ရောက်မည်ဖြစ်သည်။ မိတ်ဆွေ….သင်သေလွန်ပြီးနောက်..သင်ဘယ်ကိုသွားရမလဲ စိတ်ချမှုရှိပြီးလား။ စစ်မှန်သော စိတ်ချမှုကို ရရှိလိုပါက သခင်ယေရှုကို နှလုံးသားခေါ်ဖိတ်လက်ခံ တောင်းလျှောက်ကြည့်ပါ။ သခင်ယေရှုခရစ်တော်ကို မိမိ၏ကယ်တင်ပိုင်ရှင်အဖြစ်ယုံကြည်လက်ခံသူတိုင်းသည် သေလွန်ပြီးနောက် ကောင်းကင်အိမ်၌ ထာဝရနေရပါလိမ့်မည်။
ဖလားဆဲ
