သားသမီးများအတွက်ကောင်းကြီး
1.6.2022(Wednesday)
ကမ္ဘာဦးကျမ်း ၂၇:ထို့ကြောင့် ဘုရားသခင်သည် မိုဃ်းကောင်းကင်၏နှင်းကို၎င်း၊မြေကြီး၏ဆီဥကို၎င်း၊များစွာသောဆန်စပါး၊စပျစ်ရည်ကို၎င်း၊သင့်အားပေးတော်မူစေသတည်း”
ခရစ်ယာန်အိမ်ထောင်တိုင်း၏ အဓိက အခြေခံအုတ်မြစ်သည် ဘုရားသခင်ကိုကြောက်ရွံ့ခြင်းဖြစ်ပါသည်။ ထို့အတူဘဲ မိဘများ၏သွန်သင်ဆုံးမမှုများသည် သားသမီးများအပေါ်အင်မတန်မှ အကျိုးသက်ရောက်မှုရှိစေပါသည်။
စာရေးသူသည်ငယ်စဉ်တုန်းက တောရွာကလေးတွင် ကျောင်းတတ်ခဲ့ရပါသည်။ စာမတော်သောကြောင့် တစ်နှစ်တစ်တန်းအောင်မြင်ဖို့သာ ကြိုးစားခဲ့ရပါသည်။ သူငယ်ချင်းများဆုရသောအခါ စာရေးသူလည်း ဆုရချင်ခဲ့ပါသည်။ ထိုအခါ မိခင်ကြီးက “သားလေးက ဉာဏ်အရမ်းမကောင်းပေ မဲ့ ကြိုးစားတဲ့အ တွက် တစ်နေ့လိုရာပန်းတိုင်ရောက်မှာပါ”ဟု ပြောခဲ့ပါသည်။ မိခင်ကြီး၏ကောင်းကြီးပေးသော စကားကြောင့် စာရေးသူသည်တစ်ဆင့်ပြီးတစ်ဆင့် ဆယ်တန်းအောင်၊ဘွဲ့ရခဲ့ပါသည်။ မိဘများ၏ ကောင်းကြီးပေးခြင်းများသည် သားသမီးများ၏ဘဝကို အောင်မြင်ခြင်းဆီသို့ ရောက်ရှိစေပါသည်။ သမ္မာကျမ်းစာထဲကြည့်မည်ဆိုလျှင်လည်း က္ကဇက်သည် ယာကုပ်ကို ကောင်း ကြီးပေးသောစကားကြောင့် ယာကုပ်သည် ပြုလေသမျှအရာရာတိုင်း၌အောင်မြင်ခြင်းကိုရရှိခဲ့ပါသည်။ထို့ကြောင့် မိဘများအနေဖြင့် မိမိ၏သားသမီးများကို နှိမ့်ကျစေသောစကားများ၊ကျိန်ဆိုခြင်းများမပြုဘဲ ကောင်းကြီးပေးသောစကားများ၊ အားပေးစကားများ၊ချီးကျူးစကားများ ပြောခြင်းဖြင့် ကောင်းကြီးလမ်းသို့ ပို့ဆောင်ကြပါစို့။
ဖလားဆဲ
