သင့်ကိုဖျက်ဆီးမည့်သူ
2.5.2022(Monday)
ဧဖတ် ၆:၁၂“ငါတို့သည်အသွေးအသားရှိသောရန်သူတို့နှင့်ဆိုင်ပြိုင်တိုက်လှန်ရသည်မဟုတ်။အထွဋ်အမြတ်တို့နှင့်လည်းကောင်း၊အာဏာစက်တို့နှင့်လည်းကောင်း၊လောကီမှောင်မိုက်၌အစိုးတရပြုသော မင်းတို့နှင့်လည်းကောင်း၊မိုးကောင်းကင်၌ရှိသော နတ်ဆိုးတို့နှင့်လည်းကောင်း ဆိုင်ပြိုင်တိုက်လှန်ရကြ၏”
လောကနိယာမအရ အလုပ်တစ်ခုခုကို လုပ်သည့်အခါတွင် မိမိအပေါ်ကောင်းသောသူရှိသလိုမိမိကိုဖျက်စီးမည့်သူများလည်းရှိပါသည်။
သမ္မာကျမ်းစာထဲ၌ ဖျက်စီးသူတစ်ယောက်အကြောင်းကိုဖော်ပြလိုပါသည်။ထိုသူမှာ“စာတန်မာရ်နတ်”ဖြစ်ပါသည်။စာတန်၏အလုပ်ကတော့ခိုးမယ်၊သတ်မယ်၊ဖျက်ဆီးမယ်ဟူ၍ဖြစ်ပါသည်။စာတန်၏သွေးဆောင်ခြင်းများသည် လူ့အမြင်၌ သာယာသလိုရှိသော်ငြားလည်း အဆုံး၌ပျက်စီးခြင်းဆီသို့ဦးတည်ပါသည်။ ယနေ့မြင်တွေ့ရသော လူသတ်မှုများ၊လူအချင်းချင်းညှဥ်းဆဲခြင်းများ၊မိမိကိုကိုယ်အဆုံးစီရင်ခြင်းများ၏နောက်ကွယ်တွင် စာတန်ရှိပါသည်။ သရဲတစ္တေ၊နတ်ဆိုးတို့၏သခင်သည် စာတန်ဖြစ်ပါသည်။ ယုံကြည်သူတိုင်း၏ စိတ်နှလုံး၊ကိုယ်ခန္စာကိုဖျက်ဆီး၍ နောက်ဆုံးတွင် အကျင့်စာရိတ္တကိုဖျက်ဆီးမည့်သူဖြစ်သည်။စာတန်၏ဖျက်ဆီးခြင်းထဲမပါသွားဖို့ရန်
(၁)ဘုရားသခင်၏အလိုတော်ကိုလိုက်ခြင်းဖြင့်တွန်းလှန်ပါ
(၂)သန့်ရှင်းဝိညာဉ်တော်နှင့်ပြည့်ဝခြင်းဖြင့် တွန်းလှန်ပါ
(၃)အစာရှောင်ဆုတောင်းပါ
(၄)ဝိညာဉ်လက်နက်စုံကို ဝတ်ဆင်ပါ
(၅)နှုတ်ကပတ်တော်ဖြင့်တွန်းလှန်ပါ
ကိုယ်တော်နှင့်အတူအရာအားလုံးကို ကျော်ဖြတ်ကြရအောင်။
ဖလားဆဲ
