စိတ်နှလုံးအကြွင်းမဲ့ကိုးကွယ်ပါ
24.4.2022(Sunday)
ယောဟန် ၄:၂၄“ဘုရားသခင်သည်နံဝိညာဉ်ဖြစ်တော်မူ၏။ဘုရားသခင်ကို ကိုးကွယ်သောသူတို့သည်၊ နံဝိညာဉ်နှင့်၎င်း၊သစွာနှင့်၎င်း၊ကိုးကွယ်ရမည်ဟု မိန့်တော်မူ၏”
ကမ္ဘာပေါ်တွင် အာဗြံဟံသည် ဘုရားသခင်ကို ပထမဦးဆုံးကိုးကွယ်သောသူဖြစ်ပါသည်။ ကမ္ဘာဦးကျမ်း ၁၉:၂၇တွင် အာဗြံဟံသည် နံနက်စောစောထ၍ ဘုရားသခင်ကိုဝတ်ပြုကိုးကွယ်ပါသည်။ ထိုသို့ဘုရားသခင်နှင့်အချိန်ယူ၍ ဝတ်ပြုကိုးကွယ်ခြင်းကြောင့် ဘုရားဘုန်းတော်ထင်ရှားစေခဲ့သလို မျိုးရိုးစဉ်ဆက်ကောင်းကြီးမင်္ဂလာခံစားခဲ့ရပါသည်။
၁၈ရာစု၊၁၉ရာစုအတွင်း ဘုရားသခင်၏ကြီးမားစွာအသုံးပြုခြင်းခံရသူများူများသည် နေ့စဉ် မည်သည့်အရာမှမပြုခင်ဘုရားသခင်၏မျက်နှာတော်ကိုရှာသောသူများဖြစ်သည်။ စစ်မှန်သော နှလုံးသားဖြင့်ဝတ်ပြုကိုးကွယ်သောသူများသည် ငြိမ်သက်ခြင်း၊ဝမ်းမြောက်ခြင်း၊ အောင်မြင်ခြင်းများကို ရရှိခဲ့ကြပါသည်။ ဝတ်ပြုကိုးကွယ်ခြင်းအစီအစဉ်များသည် အင်မတန်မှကောင်းလှသော်လည်း စစ်မှန်သောနှလုံးသားဖြင့်မလာပါက အချည်းနှီးပင်ဖြစ်ပါလိမ့်မည်။ ဝန်တာများကိုချ၍ ခန္ဓာ၊စိတ်၊ဝိညာဉ်သုံးပါးစလုံးဖြင့် စိတ်နှလုံးအကြွင်းမဲ့ကိုးကွယ်မှသာ ဘုရားသခင်အားကျေနပ်ဝမ်းမြောက်စေမည်ဖြစ်သည်။ နံနက်စောစောဝတ်ပြုကိုးကွယ်ခြင်း၌၎င်း၊ညဦးယံ ဝတ်ပြုကိုးကွယ်ခြင်း၌၎င်း၊ဥပုဒ်နေ့၌ဝတ်ပြုကိုးကွယ်ခြင်းတွင်၎င်း၊စိတ်နှလုံးအကြွင်းမဲ့ဘုရားသခင်အားဝတ်ပြုကိုးကွယ်ကြပါစို့။
ဖလားဆဲ
