အလင်း၌သွားပါ
22.2.2022(Tuesday)
ယောဟန် ၈:၁၂“ယေရှုက..ငါသည်လောက၏အလင်းဖြစ်၏။ငါ့နောက်သို့လိုက်သောသူသည်မှောင်မိုက်၌မသွားမလာ၊အသက်၏အလင်းကို ရလိမ့်မည်ဟု မိန့်တော်မူ၏”
ယေရှုခရစ်တော်ကို ယုံကြည်သောသူတိုင်းသည် ဘုရားသခင်၏သားသမီးဖြစ်ရသောအခွင့်ကို ရရှိပါသည်။ ဘုရားသခင်၏သားသမီးအနေဖြင့် မှန်ကန်သောလမ်း၊ သမ္မာတရား၊ အလင်းထဲ၌ အသက်ရှင်ရမည်ဖြစ်ပါသည်။
အမှောင်လမ်းထဲမှ အလင်းလမ်းထဲသို့ ပြန်လည်ရောက်ရှိလာသော ကျွန်တော့်ညီ လေးတစ်ယောက်၏ အသက်တာအားဖြင့် ခွန်အားပေးလိုပါသည်။ သူသည် ငယ်စဉ်အခါက မိဘစကားနားမထောင်ဘဲ စိတ်အလိုအတိုင်းအသက်ရှင်ခဲ့သောကြောင့် မူးယဇ်ဆေးဝါး၏ကျေးကျွန်ဖြစ်ခဲ့ရပါသည်။ သို့သော်မိဘများက သူ၏အသက်တာပို၍ပျက်စီးသွားမည်သောကြောင့် ကျမ်းစာကျောင်းသို့ ပို့ဆောင်ခဲ့ပါသည်။ကျောင်းတတ်စဉ်(၃)နှစ်တာကာလအတွင်း ကျန်းမာရေးအခက်ခဲအမျိုးမျိုးဖြင့် ကြုံခဲ့ရပါသည်။ သို့သော် ဘုရားသခင်၏ကျေးဇူးတော်ကြောင့် တဖြည်းဖြည်းအသက်တာပြောင်းလဲလာခဲ့ပါသည်။ ယခုတော့ ဘုရားသခင်၏ရွေးကောက်ခြင်းနှင့်အတူ ဧဝံဂေလိလုပ်ငန်းများတွင် ဘုရားသခင်၏ကြီးမားစွာ အသုံးပြုခြင်းကို ခံနေရပြီဖြစ်သည်။ သူ၏အသက်တာသည် အမှောင်လမ်းထဲ၌ မည်မျှပင်ကြမ်းတမ်းစေကာမူ၊ ယခုတော့ ဘုရားသခင်၏နောက်တော်လို့လိုက်သောကြောင့် အလင်းထွန်းလင်းသောအသက်တာဖြစ်လာခဲ့ပါသည်။ ထို့ကြောင့်ခရစ်တော်၏နောက်တော်သို့ လိုက်သောသူသာအလင်းထဲ၌ သွားလာသောသူဖြစ်ပေသည်။
ဖလားဆဲ
