ဖန်ဆင်းရခြင်းအကြောင်း
2.2.2022(Wednesday)
ကမ္ဘာဦးကျမ်း ၁:၁“အစအဦး၌ ဘုရားသခင်သည် ကောင်းကင်နှင့်မြေကြီးကိုဖန်ဆင်းတော်မူ၏”
အရာဝတ္ထုပစွည်းတစ်ခုခုကို တီထွင်ဖန်တီးသည့်အခါတွင် ပုံသွင်းပြုပြင်သူများရှိပါသည်။ မူရင်းပုံသွင်းပြုပြင်သူသာ ထိုပစွည်း၏အကြောင်းကို အသေးစိတ်ကျကျ ပြန်လည်ပြောပြနိုင်ပါသည်။
ထိုအတူပဲ လူ၏ဖြစ်တည်လာခြင်း၏ရင်းမြစ်သည် ဖန်ဆင်းသူရှိသောကြောင့်ဖြစ်သည်။ ဖန်ဆင်းရှင် ဘုရားသခင်သာလျှင် ဖန်ဆင်းရခြင်းအကြောင်းကို အတိအကျသိရှိပါသည်။ နှုတ်ကပတ်တော်ထဲမှာတော့ ဖန်ဆင်းရှင်ဘုရားသခင်က လူကို မြေမှုန့်မှဖန်ဆင်းခဲ့သည်ဟုဖော်ပြထားပါသည်။ ထိုအတူပဲ ကျွန်တော်တို့သည်လည်း အမိဝမ်းထဲမှ ကိုးလလွယ်ဆယ်လတွင်ဖွားပြီး ဤလောကထဲရောက်ရှိခဲ့ကြပါသည်။ လူသားအနေဖြင့် တစ်ဆင့်ပြီးတစ့်ဆင့် ကြီးပြင်းလာသည်နှင့်အမျှ ဖန်ဆင်းရှင်ဘုရားသခင်၏ အကြောင်းကို သိရှိဖို့လိုအပ်လာပါသည်။ စာရေးသူအနေဖြင့် ခရစ်တော်ကို မိမိ၏ကယ်တင်ပိုင်ရှင်အဖြစ်မယုံကြည်လက်မခံမီအချိန်တွင် ဘုရားသခင်၏တည်ရှိမှု၊ အသက်ရှင်မှု၊ လမ်းပြမှုတို့အပေါ် စူးစမ်းလေ့လာခဲ့ပါသည်။ သို့သော် ဘဝ၏ အချိုးအကွေ့၊ အပြောင်းအလဲများကြားထဲ ရှင်သန်လှုပ်ရှားရင်း လမ်းစပျောက်သောအချိန်တွင် ဖန်ဆင်းရှင်ဘုရားသခင်၏ မစမှုကိုဟစ်အော်တောင်းလျှောက်ခဲ့ပါသည်။ အံဩစရာပင်ဖြစ်သည်။ ဘုရားသခင်၏ ကွယ်ကာခြင်း၊ ချစ်ခြင်းမေတ္တာ၊ အတူရှိခြင်းတို့ကို သိရှိလာပြီး အသက်တာပြောင်းလဲလာခဲ့ပါသည်။ ဖန်ဆင်းရှင်ဘုရားသခင်၏လူကို ဖန်ဆင်းရခြင်းအကြောင်းကို သိရှိလာပြီးနောက် သူ၏ဘုန်းတော်ထင်ရှားစေဖို့ရန် အသက်တာကို အပ်နှံခဲ့ပါသည်။ ထို့ကြောင့် ဖန်ဆင်းရှင်ဘုရားသခင်၏ လမ်းပြခြင်း၊ သွန်သင်ခြင်း၊ ပဲ့ပြင်ခြင်း၊ စောင့်ထိန်းခြင်း၊ပုံသွင်းခြင်းများကို ပိုမိုသိရှိလာဖို့ရန်အတွက် အထံတော်သို့ သာ၍တိုးဝင်ချဉ်းကပ်ကြပါစို့ဟု ခွန်အားပေးလိုပါသည်။
ဖလားဆဲ
