အဖိုးအခပေးသောအသက်တာ
5.1.2022(Wednesday)
ကမ္ဘာဦးကျမ်း ၂၃:၇-၈“က္ကဇက်ကလည်း မီးပါ၏။ထင်းလည်းပါ၏။ ယဇ်ပူဇော်စရာဘို့ သိုးသူငယ်သည် အဘယ်မှာရှိသနည်းဟုမေးလျှင် အာဗြံဟံက ငါ့သား ယဇ်ပူဇော်စရာဘို့ သိုးသူငယ်ကို ဘုရားသခင်သည်မိမိအဘို့ပြင်ဆင်တော်မူလိမ့်မည်ဟု ဆိုလေ၏”
ကမ္ဘာဦးကျမ်းထဲတွင် အာဗြံဟံ၏ နာခံခြင်းရှိသောအသက်တာကို တွေ့ရမည်ဖြစ်သည်။ အာဗြံဟံ၏ နာခံခြင်းကြောင့် မျိုးရိုးစဉ်ဆက်အဆက်ဆက်ဘုရားသခင်၏ကောင်းချီးပေးခြင်းကို ခံခဲ့ရပါသည်။ အဓိက ဇာတ်မြစ်ကိုလေ့လာကြည့်ပါက အာဗြံဟံ၏ အဖိုးအခပေးသော အသက်ရှင်မှုကို တွေ့မည်ဖြစ်သည်။
အာဗြံဟံသည် မောရိပြည်သို့ သူ၏သား က္ကဇက်နှင့် သုံးရက်ခရီးသွားခဲ့ပါသည်။ ထို့နောက်ယဇ်ပူဇော်ရမည့်နေရာသို့ ရောက်သောအခါ ငယ်သားနှစ်ယောက်ကိုထားခဲ့ပြီး သားက္ကဇက်နှင့်အတူဆက်သွားပါသည်။ တောင်ပေါ်သို့ရောက်သောအခါ ဘုရားသခင်သည်သူ၏အားက္ကဇက်ကို ပူဇော်ရန်ခိုင်းလိုက်ပါသည်။ သို့သော်သူသည် မငြင်းပယ်ဘဲ ဘုရားသခင်အတွက်သူ၏သားကို ပူဇော်ရန် ပြင်ဆင်လိုက်ပါ တော့သည်။ ထိုနောက်ဘုရားသခင်သည် သူ၏သားကိုမပူဇော်ခိုင်းတော့ဘဲ သန့်ရှင်းသောသိုးသူငယ် လေးကို ပြင်ဆင်ပေးခဲ့ပါသည်။ ဘုရားသခင်ပေးသော စမ်းသပ်မှုကို ကျော်ဖြတ်နိုင်ဖို့ရန် အဖိုးအခတည်းဟူသော သူ၏တဦးတည်းသောသားကို ဘုရားသခင်အတွက် စွန့်လွှတ်ဖို့ရန် ဆုံးဖြတ်လိုက်ရပါသည်။သူ၏ အဖိုးအခပေးခြင်းတည်းဟူသော နာခံခြင်းကို ဘုရားသခင်သည် အသိအမှတ်ပြုပေးခဲ့ပါသည်။ နောက်ပိုင်းမှာတော့ အာဗြံဟံမှဆင်းသက်သော မျိူးနွယ်အဆက်ဆက်သည် ဘုရားသခင်၏ကောင်းချီးပေးခြင်းကို ခံခဲ့ရပါသည်။ထို့ကြောင့် ဘုရားသခင်အတွက် အဖိုးအခပေးသော စွန့်လွှတ်မှု၊ ပေးဆပ်မှုများသည် ဘယ်တော့မှ အချည်းနှီးမဖြစ်စေဘဲ နောင်လာနောင်သားများအတွက်ကောင်းချီးမင်္ဂလာဖြစ်စေမည်ဖြစ်သည်။
ဖလားဆဲ
