အကောင်းဆုံးလက်ဆောင်
21.12.2021(Tuesday)
ယောဟန် ၃:၁၆“ဘုရားသခင်၏ သားတော်ကိုယုံကြည်သောသူအပေါင်းတို့သည် ပျက်စီးခြင်းသို့မရောက်၊ထာဝရအသက်ကို ရစေခြင်းငှါ၊ ဘုရားသခင်သည် မိမိ၌တပါးတည်းသော သားတော်ကို စွန့်တော်မူသည့်တိုင်အောင်လောကီသားတို့ကို ချစ်တော်မူ၏”
ခရစ်စ္စမက်ကာလတွင် ကျွန်တော်တို့သည် တစ်ဦးနှင့်တစ်ဦးလက်ဆောင်ပေးကြပါသည်။ တိုးတတ်သော ဥရောပနိုင်ငံများကတော့ ရှော့ပင်ထွက်ခြင်း၊ စူပါမားကပ်များ၊ စတိုးဆိုင်များတွင် လက်ဆောင်ပစွည်းများဝယ်ကာ ပြင်ဆင်ကြပါသည်။ တချို့ကတော့ လက်ဆောင်ပစွည်းပေးဖို့ရန်အတွက် စိုးရိမ်ပူပန်များရှိတတ်ပါသည်။
သမ္မာကျမ်းစာထဲမှာတော့ မာကုပညာရှိများသည် မိမိတို့ပေးရမည့် လက်ဆောင်ပစွည်းနှင့်ပတ်သတ်ပြီး အရွယ်အစား၊ အကြီးအငယ်မစဉ်းစားတော့ပဲ စိုးရိမ်စိတ်လည်းမရှိကြပေ။ ယူဆောင်လာသော လက်ဆောင်များကိုသာ ပေးခဲ့ကြပါသည်။ ယနေ့တွင် အကောင်းဆုံးလက်ဆောင်အကြောင်းကို ဝေငှလိုပါ၏။ ထိုအကောင်းဆုံးလက်ဆောင်မှာ တပါးတည်းသော သားတော်ဖြစ်သော သခင်ယေရှုခရစ်တော်သာဖြစ်ပါ၏။ ကမ္ဘာဦးအစ အာဒံနှင့်ဧဝတို့ မနာခံခြင်းကြောင့် လူသားအားလုံး သည် အပြစ်တရား၏နွံထဲ ကျရောက်သွားခဲ့ပါသည်။ ။ သို့သော် ဘုရားသခင်သည်ကျွန်တော်တို့အတွက် မိမိ၌တပါးတည်းသောသားတော်ကို စွန့်တော်မူသည့်တိုင်အောင် လောကီသားတို့ကို ချစ်တော်မူသော ဘုရားဖြစ်ပါသည်။ ထို့ကြောင့် လူသားတွေ အတွက် အကောင်းဆုံးလက်ဆောင်ဖြစ်သော ကယ်တင်ရှင်ယေရှုခရစ်တော် ကို နှလုံးသားထဲ ခေါ်ဖိတ်ခြင်းဖြင့် ခရစ်တော်မွေးနေ့ကို ကြိုဆိုကြပါစို့.။
ဖလားဆဲ
