၂ကော ၉:၆-၇” အနည်းငယ်သောမျိုးစေ့ကိုကြဲသောသူသည်စပါးအနည်းငယ် ကိုသာ ရိတ် ရမည်။များစွာကြဲသောသူသည်များစွာရိတ်ရမည်ဟုမှတ်ကြလော့။ လူတိုင်း ကိုယ် အလို အလျောက်လှူရ၏။ နှမြောသော စိတ်နှင့် မလှူရ။ မလှူဘဲ မနေရဟု စိတ်ထင် နှင့် မလှူရ။ အကြောင်းမူကား စေတနာစိတ် နှင့် လှူသော အလှူကိုသာ ဘုရားသခင် နှစ်သက် တော်မူ၏”
ကျမ်းစာထဲတွင်ပေးလှူခြင်းနှင့်ပတ်သတ်သော လမ်းညွှန်ချက်များကို ရှင်းလင်းစွာ ဖော်ပြထား ပါသည်။ တမန်တော်ကြီးရှင်ပေါလုက ပေးလှူခြင်းအမှုနှင့်ပတ်သတ်ပြီး စေတနာစိတ်နှင့် လှူသော အလှူကိုသာ ဘုရားသခင်နှစ်သက်သည်ဟု တိုက်တွန်း ထားပါ သည်။ ပေးလှူခြင်းအမှုကို ကျွန်တော် တို့သည် ငယ်စဉ်တောင်ကျေးကလေးဘဝ Sunday school သွားသည့်အခါတိုင်း ယူဆောင် သွားကြရပါသည်။ ထို့ကြောင့် ပေးလှူခြင်း အမှုသည် ကျွန်တော်တို့နှင့် သိပ်မစိမ်းလှပါ။ ကလေး သဘာဝအရ ပေးလှူခြင်း၏ အနှစ်သာရကို မသိရှိ သော်ငြားလည်း ပေးလှူခြင်း နှင့် ရင်းနှီးခဲ့ ကြပါ သည်။ အမှန်တကယ်တော့ ပေးလှုခြင်းအမှုသည် အင်မတန်မှ မွန်မြတ်သော အရာ ဖြစ်သည်။ စာရေးသူ၏ ဘဝအသက်တာတွင်လည်း ပေးလှူခြင်း၏ အနှစ်သာရကို မသိခဲ့စဉ်အခါ က ပေးလှူရာတွင် ငယ်စဉ်ကလေး ဘဝ အတိုင်း ပိုက်ဆံအကြွေများကိုသာ ရွေး၍ ပေးလှူခဲ့ပါသည်။ သို့သော် ပေးလှူခြင်းသည် ကောင်းကြီးမင်္ဂလာစီးထွက်ရာ လမ်းတစ်ခု ဖြစ်သည်ဟု သိရှိပြီး နောက်ပိုင်း မိမိ၏ အသက်တာ၏ မှားယွင်းသော အတွေးအခေါ်ဟောင်း များကို ပြန်လည် ပြုပြင် ပြောင်းလဲ ခဲ့ရပါသည်။ အချို့က အဆင်ပြေမှ ကောင်းစားမှ ပေးလှူကြမည့်သူများရှိသလို အချို့ ကတော့ အဆင်မပြေသော်ငြားလည်း တတ်အားသရွေ့ ပေးလှူသူများ လည်းရှိမည် ဖြစ်သည်။
ရှင်မာကု ၁၂:၄၁-၄၄ ထဲတွင် ဆင်းရဲသောမုဆိုးမ၏ ပေးလှူခြင်းကို တွေ့ရ မည်ဖြစ်သည်။ သခင် ယေရှူက ဘဏ္ဍာတိုက်ရှေ့မှာထိုင်နေစဉ်မှာ ငွေရတတ်သောသူများ ဟာများစွာ ပေးလှူ ကြပါသည်။ ငွေရတတ်သောသူများသည် မိမိ၌ရှိသောဥစ္စာ ထဲမှ ရွေး၍ ပေးလှူကြ ပါသည်။ သို့သော် မုဆိုးမသည် အလွန်ဆင်းရဲသော်လည်း မိမိ အသက်မွေး စရာ ဥစ္စာ ရှိသမျှကို ပေးလှူခဲ့ ပါသည်။ သခင်ယေရှူသည် ထိုဆင်းရဲသော မုဆိုးမ၏ ပေးလှူခြင်းကို ချီးမွမ်းခဲ့ပါသည်။ ပေးလှူ ခြင်းနှင့် ပတ်သတ်၍ နည်းလမ်း သုံးမျိုးအားဖြင့် ဖော်ပြလို ပါသည်။ ထိုနည်းလမ်း သုံးမျိုး ကတော့…
(က) ကျွန်ုပ်တို့သည် များများပေးလှူဖို့ဖြစ်သည် ( အဘယ်ကြောင့်ဆိုသော စိုက်သည့် အတိုင်း ရိတ်ရ မည်ဖြစ်သောကြောင့်ဖြစ်သည်)
(ခ) ရည်ရွယ်ချက်ရှိရှိ အစီအစဉ်ရှိရှိပေးလှူဖို့ဖြစ်ပါသည်( အသင်းတော် သာသနာ ပြုခြင်း အထူး စီမံကိန်းများ စစ်ဘေး မီးဘေး ရေဘေး အများကြီးရှိပါသည်)
(ဂ) ပြန်ရမည့်အကျိုးကို မမျှော်လင့်ဘဲ စေတနာစိတ်ဖြင့် ပေးလှူဖို့ရန်ဖြစ်သည် ( ဝမ်းမြောက်သော နှလုံးသားဖြင့် ပေးလှူရပါမည်)ထို့ကြောင့် ပေးလှူခြင်းအမှု၌သာ၍ ကြိုးစားအားထုတ်၍ ဘုရား သခင်၏ အမှုတော် မြတ်ထဲ တွင် တစ်ထောင့်တစ်နေရာမှ ပါဝင်ကြပါစို့။
ဖလားဆဲ
