အားယူ၍ ရဲရင့်ခြင်းရှိလော့
27.7.2022(Wednesday)
ယောရှူ ၁:၉ ” သင့်ကို ငါမှာထားသည်မဟုတ်လော။ မကြောက်နှင်။ စိတ်မပျက်နှင့်။ အားယူ၍ ရဲရင့်ခြင်းရှိလော့။ သွားလေရာရာ၌ သင်၏ဘုရားသခင်ထာဝရဘုရားရှိသည်ဟု မိန့်တော်မူ၏”
လူတိုင်းသည် ဘဝတွင် တစ်ကြိမ်မက စိတ်ပျက်ခြင်းများကို ဖြတ်သန်းကြရမည်ဖြစ်သည်။ ကျွန်ုပ်တို့အယောက်စီတိုင်း စိတ်ပျက်ခြင်းများ ကြုံရသလို သမ္မာကျမ်းစာထဲရှိ ဘုရားသခင်ကြီးမားစွာ အသုံးပြုခဲ့သော ပုဂ္ဂိုလ်များသည်လည်း ကြုံခဲ့ကြရပါသည်။ ထာဝရဘုရား၏ကျွန် မောရှေသေဆုံးပြီးနောက်တွင် က္ကသရေလလူမျိုးများအား ခါနာန်ပြည်သို့ပို့ဆောင်ပေးရန် ယောရှူသည် တာဝန်ပေးအပ်ခြင်းခံခဲ့ရပါသည်။ ယောရှူအနေဖြင့် စိတ်ပျက်အားလျော့ခြင်းများရှိနိုင်မည်ဖြစ်သောကြောင့် ဘုရားသခင်သည် သူ့ကို “ငါသည်သင့်ကိုမစွန့် ။သင့်ကိုပစ်၍မထား။ အားယူ၍ ရဲရင့်ခြင်းရှိလော့ဟု” အားပေးခဲ့ပါသည်။ ထိုနောက် ယောရှူသည် ဘုရားသခင်မှာကြားသော စကားတော်များကို အတိအကျ လိုက်နာပြီး နာခံခြင်းဖြင့် လုပ်ဆောင်သည့်အခါတွင် က္ကသရေလလူမျိုးများအား ခါနာန်ပြည်ထဲသို့ ပို့ဆောင်ပေးနိင်ခဲ့ပါသည်။
Corrie Ten Boom ဟုဆိုသော လူတစ်ယောက်သည် ဒုတိယကမ္ဘာစစ်ကြီးအတွင်းတွင် စစ်အကျဉ်းသားဘဝနှင့်နေခဲ့ရပါသည်။ ရက်စက်ကြမ်းကြုတ်သော ဟစ်တလာလက်အောက်တွင် နာဇီအကျဉ်းသားဘဝဖြင့် ဖြတ်သန်းခဲ့ရပါသည်။ သို့သော်သူသည် ခက်ခဲကြမ်းတမ်းမှုအထဲမှခရစ်တော်ကိုမျှော်ကြည့်သည်အခါ စိတ်နှလုံးငြိမ်သက်ခြင်းကို ရရှိခဲ့သည်။ သေဖို့သာရှိသည့်အခြေအနေ မျှော်လင့်ချက်မဲ့နေသည်အခြေအနေမှ ခရစ်တော်ကို မျှော်ကြည့်သည့်အခါ မျှော်လင့်ချက်အပြည့်ရှိလာပြီး အားယူ၍ အသက်ရှင်နိုင်ခဲ့သည်ဟု သက်သေခံခဲ့ပါသည်။ ထို့ကြောင့် ကျွန်ုပ်တို့ ယနေ့ဖြတ်သန်းရသောအခြေအနေတွင် အားမလျော့စိတ်မပျက်ဘဲ ဘုရားသခင် အတူရှိခြင်းကို ယုံကြည်ပြီး ယောရှူနှင့် Corrie Ten Boomတို့ကဲ့သို့ အားယူ၍ အခက်အခဲများကို ရင်ဆိုင်ကျော်လွှားကြပါစို့ဟု အားပေးပါရစေ။
ဖလားဆဲ
