အကောင်းဆုံးပေးဆပ်သူ

အကောင်းဆုံးပေးဆပ်သူ

ဩရီဂင်>(အေဒီ ၁၈၅-၂၅၄)

28.4.2022(Thursday)

ဒေသနာကျမ်း ၉:၁၀“ဆောင်ရွက်စရာအမှုရှိသမျှတို့ကို ကြိုးစားအားထုတ်၍ ဆောင်ရွက်လော့”

အေဒီ၃ရာစုတွင် ဩရီဂင်သည် အင်မတန်မှထင်ရှားသော ပညာရှင်တစ်ယောက်ဖြစ်ခဲ့ပါသည်။ခရစ်ယာန်ဘာသာအတွက်သာမက အခြားသောဘုရားတရားမရှိသူများသည်လည်း သူ၏ရေးသားချက်၊အတွေးအခေါ်များကို နှစ်သက်ခဲ့ကြပါသည်။

အေဒီ ၁၈၅ခုနှစ်တွင် ဩရီဂင်သည် ယုံကြည်သူ ခရစ်ယာန်မိဘနှစ်ပါးမှ မွေးဖွားလာခဲ့ပါသည်။ ထိုအချိန်တွင် ခရစ်ယာန်များအား လိုက်လံညဉ်းဆဲသတ်ဖြတ်သောကာလဖြစ်ပါသည်။ အေဒီ ၂၀၁ခုနှစ်တွင် သူ၏ဖခင်လီယိုနီဒါ(စ်)သည် ထောင်ကျအကျဉ်းချခံရပြီး၊မာတုရအဖြစ်အသတ်ခံခဲ့ရပါသည်။ သူ၏ဖခင်ထောင်ထဲ၌ရှိစဉ် သွားရောက်အားပေး၍ သူလည်းဖခင်အတူအသေခံချင်ကြောင်းအာဏာပိုင်များကို သွားရောက်ပြောပါသည်။သူ၏မိခင် သဘောမတူသောကြောင့် အခြားတစ်နေရာသို့ မောင်နှမခုနှစ်ယောက်နှင့်အတူ ထွက်ပြေးခဲ့ကြရပါသည်။ ထိုသို့ခက်ခဲသောကာလတွင် သူသည် ထောင်၌အကျဉ်းချခံရသောယုံကြည်သူများ၊ထွက်ပြေးတိမ်းရှောင်ရသော ယုံကြည်သူများကို စာအားဖြင့် ပေးပို့ကာအားပေးခဲ့ပါသည်။ အင်မတန်မှထက်မြတ်သော ပညာရှင်ဖြစ်သည့်အလျောက် စာအုပ်စာပေ ၂၀၀၀ခန့်ရေးသားနိုင်ခဲ့ပါသည်။ဒီရှန်းအင်ပါယာခေတ်တွင် မတရားသောစွပ်စွဲမှုများအားဖြင့် ထောင်ထဲ၌အမျိုးမျိုးသောနှိပ်စက်ခြင်းများကိုခံခဲ့ရပါသည်။ အေဒီ ၂၅၄တွင် ထောင်မှလွတ်မြောက်ပြီးမကြာမှီပင် သေဆုံးခဲ့ပါသည်။ သူ‌ ရေးသားခဲ့သောစာအုပ်၊စာပေများသည် သမ္မာကျမ်းစာလေ့လာသောကျောင်းသူ၊သားများအတွက် များစွာ အကျိုးရှိစေခဲ့ပါသည်။

ဖလားဆဲ

Reference>>သောမက်(စ်)Limbu