မာရ်နတ်ကို ဆီးတားလော့
7.2.2022(Monday)
ယာကုပ် ၄:၇“ထို့ကြောင့် ဘုရားသခင်၏ အထံတော်သို့ချဉ်းကပ်ကြလော့။ မာရ်နတ်ကို ဆီးတားလော့။သို့ပြုလျှင် သူသည် သင်တို့ထံက ပြေးသွားလိမ့်မည်”
လူရယ်ဟူ၍ဖြစ်လာသည်နှင့် ကျွန်တော်တို့သည် နေ့စဉ်နှင့်အမျှ အနှောင်အယှက်သွေးဆောင်ခြင်းများကို ရင်ဆိုင်ကြုံတွေ့ကြရပါသည်။ နည်းပညာ၏တိုးတတ်မှုနှုန်းသည် တရိပ်ရိပ်နှင့်တတ်လာသည်နှင့်အမျှ ဆုတ်ယုတ်မှုများသည်လည်း လိုက်ပါလို့နေပါသည်။ ဥပမာအနေဖြင့်-Youtude တွင် စက္ကန့်၊မီနစ်နှင့်အမျှ အသစ်အသစ်သောအရာများကို တင်လို့နေပါသည်။ လောက၏ ဆွဲဆောင်မှုများသည် ပိုမို၍ အားကြီးလာဖို့သာရှိပါသည်။ ဖျက်ဆီးခြင်း၊ ဖြိုဖျက်ခြင်း၏ အလုပ်သည် စာတန်မာရ်နတ်၏ အလုပ်ဖြစ်ပါသည်။ အားကြီးသောရန်သူဖြစ်သော စာတန်သည် နည်းလမ်းအမျိုးမျိုးဖြင့် ဘုရားသခင်၏ သားသမီးများကို သွေးဆောင်လို့နေမည်ဖြစ်ပါသည်။ ထိုအရာများကို ခံရပ်နိုင်ဖိုရန်မှာ အတွင်းလူခိုင်ခံ့မှသာ ကျော်ဖြတ်နိုင်မည်ဖြစ်သည်။ သီချင်းလေးတစ်ပုဒ်က “ကိုယ်တော်၏ ဘုန်းတော်နှင့် ကျေးဇူးတော်အလင်းထဲတွင် ကမ္ဘာပေါ်ရှိအရာများသည် တဖြည်းဖြည်းမှေးမှိန်သွားလိမ့်မည်”ဟူ၍ဖြစ်ပါသည်။ နေ့စဉ် ဘုရားသခင်နှင့် မိတ်သဟာရဖွဲ့၍ အလင်းတော်ထဲတိုးဝင်ချဉ်းကပ်မှသာ မာရ်နတ်၏ နှောင့်ယှက်ခြင်း ခံရပ်နိုင်မည်ဖြစ်သည်။ ထို့ကြောင့် အတွင်းလူကို ခွန်အားဖြင့်ပြည့်ဝစေဖို့ရန် အထံတော်သို့ တိုးဝင်ချဉ်းကပ်ကြစို့။
ဖလားဆဲ
